7-ամյա Ռայան Հիքմանը հաջողակ գործարար է Կալիֆորնիայից։ Նրա բիզնեսը աղբը տեսակավորելն է։ Երեխաների համար այդքան անսովոր բանով նա սկսել էր հետաքրքրվել դեռ 3 տարեկանում։ Այժմ նա ունի իր վերամշակման ընկերությունը՝ Ryan’s Recycling Company:
Առաջին անգամ Ռայանը հոր հետ միասին հավաքել է աղբը, տեսակավորել և տարել թափոնների վերամշակման մասնագիտացված կենտրոն։ Երեք տարեկան երեխային այս զբաղմունքը շատ դուր եկավ։ Երեխայի հայրը պատմում է.
Նա սիրում է տեսակավորել գրեթե ամեն ինչ, և նրան շատ է դուր եկել շշերը նետել ընդունիչ։ Երբ նա ստացավ մի քանի դոլար, նա շատ ոգևորվեց։ Նրա համար որքան ավելի շատ տեսակավորում, այնքան ավելի զվարճանք:
Ռայան Հիքմանի բացարձակ զրոյից սկսված նախագիծն այժմ մեծ հաջողություն ունի։ Նրա ընկերությունը ընդգրկում է հինգ շրջանները և ծառայում է 40 հաճախորդներին։ Տղան ծնողների հետ այցելում է թափոնների վերամշակման կենտրոն շաբաթը մեկ անգամ ՝ հանգստյան օրերին, հանձնելով դեն նետված պլաստիկը, թուղթը և ապակին։
Իր բիզնեսի մեկնարկից ի վեր Ռայանը վերամշակման է հանձնել ավելի քան 22 տոննա աղբ և 200 հազար պահածոներ ու շշեր, ինչպես նաև ավելի քան 1600 դոլար է նվիրաբերել բարեգործությանը: Մնացած վաստակած գումարները, մոտավորապես 10 000 դոլար, պահել է իր քոլեջի ուսման համար և պահվում է հատուկ Խնայողական հաշվին։
Մարիամ Շախվերդյան 