Բուխարեստի պայմանագիր

1812թ. այս օրը hայազգի դիվանագետ Մանուկ բեյի պալատում Ռուսաստանի և Թուրքիայի միջև կնքվում է Բուխարեստի հաշտության պայմանագիրը:

Պայմանագրով Ախալքալաքն ու ռուսների գրաված հարակից տարածքներն անցնում էին թուրքերին, իսկ Դանուբի շրջանում Բեսարաբիան միացվում էր Ռուսաստանին:
1806-1812թթ. ռուս-թուրքական պատերազմը սանձազերծել էր Թուրքիան` Ֆրանսիայի դրդմամբ` հույս ունենալով իր համար նպաստավոր պայմաններում (Ռուսաստանը պատերազմում էր Ֆրանսիայի (1805–1807թթ.) և Իրանի (1804–13 թթ.) դեմ) վերագրավել կորցրած տիրույթները:

Դեկտեմբերի 18-ին Թուրքիան պատերազմ է հայտարարել Ռուսաստանին: Պատերազմական գործողությունները տեղի են ունեցել Դանուբյան և Կովկասյան ռազմաճակատներում: 1807թ. փետրվարին փոխծովակալ Դմիտրի Սենյավինի հրամանատարությամբ սկսվել են ռազմական գործողություններ:
Կովկասյան ռազմաճակատում հիմնական ռազմական գործողությունները ծավալվել են Գյումրիի մոտ, որտեղ հունիսի 18-ին գեներալ-ֆելդմարշալ Իվան Գուդովիչը 7 հազարանոց զորաբանակով պարտության է մատնել Յուսուֆ փաշայի 20-հզ-անոց բանակին:
1811թ. մարտին ռուսական բանակի գլխավոր հրամանատար է նշանակվել Միխայիլ Կուտուզովը, որի հմուտ ռազմավարության շնորհիվ թուրքերի գլխավոր ուժերը Դանուբի ձախ ափին ընկել են շրջապատման մեջ և անձնատուր եղել: