Իսպանիան հարուստ բնաշխարհ ունեցող բազմազգ երկիր է։ Իսպանիայի տարածքի մեծ մասը ծածկված է ցորենի դաշտերով, խաղողի և ձիթապտղի այգիներով։ Այս երկիրը Աֆրիկա մայրցամաքից բաժանված է Ջիբրալթարի նեղուցով, որի լայնությունը ընդամենը 14 կիլոմետր է (9 մղոն)։ Այնտեղ խոսում են իսպաներեն, բասկերեն, կատալաներեն, գալիսերեն, վալենսերեն։
Իսպանիայում՝ Եվրոպայի այս հարավարևմտյան անկյունում, բնակություն են հաստատել տարբեր ազգերի մարդիկ, որոնցից են փյունիկեցիները, հույները և կարթագենցիները։ Երբ մ. թ. ա. երրորդ դարում հռոմեացիները նվաճեցին այդ տարածքը, այն կոչեցին Հիսպանիա։ Որոշ ժամանակ անց այդ տարածքը գրավեցին վեստգոթերը, իսկ հետո մավրերը, և այս ազգերը մեծ ազդեցություն թողեցին Իսպանիայի մշակույթի վրա։
Վերջին մեկ տարում Իսպանիա է այցելել ավելի քան 68 միլիոն մարդ։ Ոմանք գալիս են պայծառ արևի, ոսկե լողափերի, իսկ ոմանք էլ երկրի գեղարվեստական, պատմական և ճարտարապետական արժեքներով հիանալու համար։
Շատերին էլ գրավում են իսպանական ուտեստները։ Նրանց առօրյա սնունդը ներառում է ծովամթերք, խոզապուխտ, տարբեր խիտ ապուրներ և ձիթապտղի յուղով եփված կամ դրանով համեմված բանջարեղեն։ Իսկ իսպանական օմլետները, պաեյան և տապասը հայտնի են ողջ աշխարհում։
Իսպանիայում ավել շատ ձիթապտղի յուղ է արտադրվում, քան աշխարհի ցանկացած այլ երկրում։
Կանարյան կղզիներում գտնվող Տեյդե լեռը, որի բարձրությունը 3 718 մետր է (12 198 ֆուտ), Իսպանիայի ամենաբարձր լեռն է։ Օվկիանոսի հատակից հաշված՝ այն երրորդ ամենաբարձր հրաբուխն է աշխարհում։
Զբոսաշրջությունը Իսպանիայում սկսել է զարգանալ 1960-ական թվականներին, երբ այն դարձավ սիրված վայր եվրոպական երկրների, մասնավորապես՝ Մեծ Բրիտանիայի, Ֆրանսիայի, Կենտրոնական և Հյուսիսային Եվրոպայի զբոսաշրջիկների համար։
Իսպանախոս երկրների պարերը բազմաժանր են և տարատեսակ: Չի կարելի նույնացնել պարերի որոշ տեսակներ «իսպանական պար» հասկացության հետ: Հիմնականում իսպանական պարերը բաժանվում են երեք մեծ խմբի՝ լատինոամերիկյան պարեր(սալսա, բաչատա և այլն), տանգո (արգենտինական և բրազիլական) և բուն իսպանական պարեր(ֆլամենկո, պասադոբլ և այլն):
Ամեն տարի միլիոնավոր մարդիկ են ժամանում Իսպանիա՝ տեսնելու նրա պատմամշակութային հարստություններն և ծանոթանալու՝ անսահաման յուրօրինակ և ոչ սովորական ազգային ավանդույթներին ու տոներին: Միջերկրական ծովի ափին գտնվող Դենիա քաղաքում ամեն տարի անցկացվում է «Ծովային ցլեր» տոնը: Տոն ընթանում է հետևյալ կերպ՝ բաց են թողնում ցլերին և մարդիկ նրանց դիմացից վազելով պետք է կարողանան ցլերին հասցնել ծովին և մցնել ջուրը: Ըստ տոնի խորհրդի՝ առանձնապես հաջողված տարի է սպասվում նրան, ով կկարողանա ջրում բռնել ցլի կոտոշը:
Մյուս տարօրինակ, բայց հետաքրքիր տոնը «Լա տոմատինա»֊ն է, այն նշվում է օգոստոս ամսվա վերջին շաբաթում ՝ սովորաբար օգոստոսի 26- ին: Տոնի ժամանակ մասնակիցները կռվի են բռնվում՝ միմյանց լոլիկներով հարվածելով:
Սովորաբար տոնը մեծ շուքով անց է կացվում Իսպանիայի Վալենսիա քաղաքում, սակայն տոնին մասնակցում են նաև այլ քաղաքներ, օրինակ ՝ Մադրիդ, Բարսելոնա, Մալագա, և այլն: Տոնը սկսվում է առավոտյան ժամը 10:00- ին: Տոնի նախօրեին բեռնատար մեքենաները հարակից Էստրեմադուրա քաղաքից լոլիկներ են տեղափոխում Վալենսիայի Պլազա դել Պուեբլա կենտրոնական հրապարակ:
Տոնի ավարտին քաղաքի կենտրոնական հրապարակը վերածվում է կարմիր հրապարակի։ Տոնի կազմակերպիչնրը շրջելով փողոցներով ջրցան մեքենաների միջոցով մաքրում են փողոցները:
2007 թվականին Զբոսաշրջության համաշխարհային կազմակերպության կողմից Իսպանիան գնահատվել է, որպես երկրորդ առավել շատ այցելվող երկիրն աշխարհում (այս ցուցանիշով զիջում է միայն Ֆրանսիային)։ 2014 թվականի տվյալներով Իսպանիան չորրորդն էր աշխարհում՝ Ֆրանսիայից, Ամերիկայի Միացյալ Նահանգներից և Չինաստանից հետո։ 2015 թվականի տվյալներով Իսպանիա այցելած զբոսաշրջիկների ընդհանուր թիվը կազմում է 69-70 մլն զբոսաշրջիկ, ովքեր Իսպանիայում ծախսել են շուրջ 60 միլիարդ եվրո։ 2016 թվականին Իսպանիան ընդունել է ռեկորդային թվով այցելուներ՝ 75 միլիոն զբոսաշրջիկ։
Իսպանիան արևադարձային Եվրոպայի սիրտն է։ Այստեղ են գտնվում մի շարք նշանավոր ծովափեր և հանգստյան գոտիներ, որոնք հիմնականում թագավորությանը պատկանող անդրծովյան տիրույթներն են՝ Կանարյան և Բալեարյան կղզիները։ Իսպանիայի տարածքում գտնվում են ՅՈւՆԵՍԿՕ-ի Համաշխարհային ժառանգության ցանկի 45 օբյեկտ։
Ստորև ներկայացված է Իսպանիա ամենից շատ այցելած զբոսաշրջիկների թիվը` ըստ քաղաքացիության
| N | Երկիր | Քանակ |
| 1 | Մեծ Բրիտանիա | 12,790,998 |
| 2 | Ֆրանսիա | 9,190,102 |
| 3 | Գերմանիա | 8,270,251 |
| 4 | Իտալիա | 3,167,105 |
| 5 | Նիդերլանդներ | 2,364,709 |
| 6 | Բելգիա | 1,876,153 |
| 7 | Պորտուգալիա | 1,463,638 |
| 8 | Շվեյցարիա | 1,392,746 |
| 9 | Շվեդիա | 1,358,794 |
| 10 | ԱՄՆ | 1,220,562 |
| Ընդհանուր | 54,453,617 |
Մարիամ Շախվերդյան 